श्री आदि शंकराचार्य द्वारा रचित अपराध क्षमापना स्तोत्रम ( Devyaparadha Kshamapana Stotram or Devi Aparadha Kshamapana Stotram ) का पाठ आमतौर पर पूजा के उपरांत किया जाता है। यह माँ दुर्गा से विभिन्न गलतियों के लिए क्षमा याचना है जो किसी ने पूजा के दौरान अनजाने में की हों, जैसे मंत्र का गलत उच्चारण, बिंदु-विसर्ग आदि की चूक, उचित मुद्राओं का पालन न करना आदि।
दुर्गा सप्तशती देवी अपराध क्षमापन स्तोत्र ( Durga Saptashati Devi Aparadha Kshamapana Stotram ) एक बहुत ही शक्तिशाली और प्रभावशाली स्तोत्र है। यह स्तोत्र भक्तों को दुर्गा माता की कृपा प्राप्त करने में मदद करता है और उन्हें सभी पापों से मुक्ति दिलाता है। Devyaparadha Kshamapana Stotram: Na Mantram No Yantram Lyricas in Sanskrit.
॥श्री देव्यापराध क्षमापन स्तोत्रं॥
न मत्रं नो यन्त्रं तदपि च न जाने स्तुतिमहो
न चाह्वानं ध्यानं तदपि च न जाने स्तुतिकथाः ।
न जाने मुद्रास्ते तदपि च न जाने विलपनं
परं जाने मातस्त्वदनुसरणं क्लेशहरणम् ॥१॥
विधेरज्ञानेन द्रविणविरहेणालसतया
विधेयाशक्यत्वात्तव चरणयोर्या च्युतिरभूत् ।
तदेतत् क्षन्तव्यं जननि सकलोद्धारिणि शिवे
कुपुत्रो जायेत क्वचिदपि कुमाता न भवति ॥२॥
पृथिव्यां पुत्रास्ते जननि बहवः सन्ति सरलाः
परं तेषां मध्ये विरलतरलोऽहं तव सुतः ।
मदीयोऽयं त्यागः समुचितमिदं नो तव शिवे
कुपुत्रो जायेत क्वचिदपि कुमाता न भवति ॥३॥
जगन्मातर्मातस्तव चरणसेवा न रचिता
न वा दत्तं देवि द्रविणमपि भूयस्तव मया ।
तथापि त्वं स्नेहं मयि निरुपमं यत्प्रकुरुषे
कुपुत्रो जायेत क्वचिदपि कुमाता न भवति ॥४॥
परित्यक्ता देवा विविधविधसेवाकुलतया
मया पञ्चाशीतेरधिकमपनीते तु वयसि ।
इदानीं चेन्मातस्तव यदि कृपा नापि भविता
निरालम्बो लम्बोदरजननि कं यामि शरणम् ॥५॥
श्वपाको जल्पाको भवति मधुपाकोपमगिरा
निरातङ्को रङ्को विहरति चिरं कोटिकनकैः ।
तवापर्णे कर्णे विशति मनुवर्णे फलमिदं
जनः को जानीते जननि जपनीयं जपविधौ ॥६॥
चिताभस्मालेपो गरलमशनं दिक्पटधरो
जटाधारी कण्ठे भुजगपतिहारी पशुपतिः ।
कपाली भूतेशो भजति जगदीशैकपदवीं
भवानि त्वत्पाणिग्रहणपरिपाटीफलमिदम् ॥७॥
न मोक्षस्याकाङ्क्षा भवविभववाञ्छापि च न मे
न विज्ञानापेक्षा शशिमुखि सुखेच्छापि न पुनः ।
अतस्त्वां संयाचे जननि जननं यातु मम वै
मृडानी रुद्राणी शिव शिव भवानीति जपतः ॥८॥
नाराधितासि विधिना विविधोपचारै:, किं रुक्षचिन्तनपरैर्न कृतं वचोभि: ।
श्यामे त्वमेव यदि किंचन मय्यनाथे, धत्से कृपामुचितमम्ब परं तवैव ॥ 9 ॥
आपत्सु मग्न: स्मरणं त्वदीयं, करोमि दुर्गे करुणार्णवेशि ।
नैतच्छठत्वं मम भावयेथा:, क्षुधातृषार्ता जननीं स्मरन्ति ॥ 10 ॥
जगदम्ब विचित्रमत्र किं, परिपूर्णा करुणास्ति चेन्मयि ।
अपराधपरम्परावृतं, न हि माता समुपेक्षते सुतम् ॥ 11 ॥
मत्सम: पातकी नास्ति, पापघ्नी त्वत्समा न हि ।
एवं ज्ञात्वा महादेवि, यथा योग्यं तथा कुरु ॥ 12 ॥
इति श्रीमच्छंकराचार्यकृतं देव्यपराधक्षमापनस्तोत्रम्।
यह भी पढ़ें:
मां दुर्गा जी की आरती | श्री दुर्गा चालीसा | श्री भगवती स्तोत्रम् | मां दुर्गा के 108 नाम